andro barnovi

აშშ და რუსეთის პრეზიდენტების შეხვედრას საქართველოში ბევრი გულისფანცქალით ელოდა. ამ შეხვედრას ბევრი რამ უნდა გადაეწყვიტა. ყველაზე დიდი კითხვა იყო: „განახლდება თუ არა რუსეთის აგრესია საქართველოში?“. მაგრამ საკითხები ამით არ შემოიფარგლებოდა. მოსკოვში ხელი ერთ რეალურ შეთანხმებას მოეწერა, ერთზეც შეთანხმდნენ, რომ შეთანხმდებიან. გამოქვეყნდა რამდენიმე ერთობლივი დეკლარაცია და მემორანდუმი. ამ ყველაფრიდან რეალური მნიშვნელობის მატარებელი იყო ბირთვული იარაღის შემცირების შესახებ დეკლარაციის ხელმოწერა და შეთანხმება ავღანეთისკენ ამერიკული ჯარისთვის კორიდორის გახსნის შესახენ. სხვა საკითხებზე შეთანხმება შეუძლებელი იყო და არც მომხდარა. რა თქმა უნდა, იყო მოწოდებები თანამშრომლობის შესახებ ირანის, ჩრდილოეთ კორეის მიმართულებით, ასევე, ღიად ითქვა, რომ ნატოს გაფართოება არ შეიძლება შეჩერდეს რომელიმე მესამე ქვეყნის სურვილის გამო. ისიც ითქვა, რომ საქართველოს შესახებ უთანხმოება შეიარაღებული შეტაკებების გარეშე უნდა გადაიჭრას, დიალოგისა და მოლაპარაკებების გზით. მაგრამ ეს ყველაფერი მხოლოდ ობამას მხრიდან ითქვა. რუ...

აშშ-ს პრეზიდენტის ბარაკ ობამას მოსკოვში ვიზიტის პირველ შედეგებზე "ინტერპრესნიუსი" სტრატეგიისა და განვითარების ინსტიტუტის ხელმძღვანელს ანდრო ბარნოვს ესაუბრა - ბატონო ანდრო, როგორ შეაფასებდით აშშ-ს პრეზიდენტის მოსკოვში ვიზიტის პირველ შედეგებს? - ობამას ვიზიტი რუსეთში ჩვენთვის ძალიან მნიშვნელოვანი იყო. ვიზიტამდე სულ იმაზე იყო საუბარი, დაიწყებოდა თუ არა ომი რუსეთთან. ახლა შეგვიძლია ვთქვათ, რომ უახლოეს პერიოდში ომს არ უნდა ველოდოთ და ქვეყანას ამოსუნთქვის საშუალება ეძლევა. ახლა რომ რუსეთმა საქართველოს წინააღმდეგ აგრესია განახორციელოს, ეს პირდაპირ ამერიკის წინააღმდეგ მიმართული აქცია იქნება და არ მგონია ამაზე რუსეთი წავიდეს. სწორედ ამის გამო, ამ ეტაპზე ომის განახლებას პრაქტიკულად გამოვრიცხავ. იხ. სრული ინტერვიუსთვის მუდმივი ბმული

ეჭვგარეშეა, რომ მსოფლიო პოლიტიკა აქტიურ ფაზაშია და გეთანხმებით, რომ საქართველოს თემა ამ შეხვედრებზე ერთ-ერთი უპირველესია. დღეს საქართველოს შესახებაც ან შეჯერება და შეთანხმება მოხდება, ან ძალიან დიდი განხეთქილება. არ მინდა დავიჯერო, რომ რუსეთი მთელი მსოფლიოს მოტყუებას შეძლებს, თუ ასე მოხდა, ტყუილი მალე გამომჟღავნდება და დიდი დაპირისპირების საბაბადაც იქცევა. დღეს თუ დასავლეთმა კავკასია რუსეთს დაუკანონა, ხვალ ამერიკა ავღანურ ხაფანგში აღმოჩნდება. ამერიკის დღევანდელ ადმინისტრაციას ზოგიერთი გავლენიანი ექსპერტი ურჩევს, რომ საქართველო ირანში გაცვალოს, მაგრამ ეს უდიდესი შეცდომა იქნებოდა თუნდაც იმიტომ, რომ ასეთი «გარიგება» შეუძლებელია. >>>>

როგორი შეიძლება იყოს რუსეთის აგრესიის მოსალოდნელი სცენარი? როგორია ამ პირობებში პოლიტიკოსების პასუხისმგებლობა? ანდრო ბარნოვი საუბრობს ერთ-ერთ სცენარზე, სადაც რუსეთმა შეიძლება გამოიყენოს შიდაპოლიტიკური დაძაბულობა და ქვეყანა სამოქალაქო დაპირისპირებაში გახვიოს, რის შემდეგაც ხელს შეუწყობს მისთვის ხელსაყრელი კანდიდატის გაძლიერებას. ამ სცენარის ალტერნატივა მუდმივი ქაოსია... იხილეთ ვიდეო ინტერვიუ სრულად .

13:19 - 12.06.2009 - მიზანთან მისასვლელი გზა მკაფიოდ თუ არ გაქვს წარმოდგენილი, ხალხის ქუჩაში გამოყვანა ძალიან სახიფათოა. 26 მაისის საღამოს ვნახეთ, რომ დათო გამყრელიძე რომ არა, ძალიან დიდი პროვოკაცია შეიძლებოდა, მომხდარიყო. სამწუხაროდ, ექსპერტთა ერთი ნაწილი ცდილობს, უპასუხისმგებლო პოლიტიკოსებს ხელი ხალხზე შეაწმენდინოს. ცდილობენ, სიტუაცია ისე დახატონ, თითქოს პოლიტიკოსები აგრესიული მასის მძევლები არიან. გარდა იმისა, რომ ეს ამორალური მიდგომაა, ეს აბსურდიცაა, რადგან სწორედ ფუჭი პირობების მიცემამ და ერთადერთ, ვითომ სწრაფ მიზანზე ფოკუსირებამ გახადა ხალხი აგრესიული და ეს სწორედ პოლიტიკოსთა უპასუხისმგებლო ნაწილმა გააკეთა. დღეს უსაფრთხოების ისეთი პრობლემები უდგას საქართველოს, დამოუკიდებლობის პერიოდში პარალელს რომ ვერ მოვუძებნით. ამიტომ, ალბათ, კითხვაც არ უნდა იმას, რომ ამომრჩეველმა უპირატესობა პასუხისმგებლობით, პატრიოტიზმით და გაწონასწორებული ხასიათით გამორჩეულ ლიდერს უნდა მიანიჭოს. სრული ტექსტი

ჩამოტვირთეთ ვიდეო