VI საერთაშორისო კონფერენციაზე "საქართველოს ევროპული გზა" პოლიტოლოგ ანდრო ბარნოვის კრიტიკამ ევროკავშირის მისიის წარმომადგენელთა ერთგვარი განაწყენება გამოიწვია. "მე არ ვარ სახელმწიფო მოხელე და ამდენად, შემიძლია, საკუთარი კრიტიკული მოსაზრებები ხმამაღლა და თავშეუკავებლად გამოვთქვა. ქართულმა მხარემ რუსულ-ქართული პრობლემების მოგვარების სტრატეგია შეიმუშავა და ევროკავშირმა აღნიშნული სტრატეგიის განხორციელებაში საქართველოს ქმედითი დახმარება უნდა გაუწიოს და არა მხოლოდ სიტყვიერი. წარმოუდგენელია, ოკუპანტ ქვეყანას გამანადგურებელი იარაღი მიჰყიდო მაშინ, როდესაც ომში ჩართულ საქართველოს თავდაცვის იარაღსაც კი არ სთავაზობ. ასევე გაოცებას იწვევს ის გარემოება, რომ საქართველოს ოკუპირებული ქვეყანა ჰქვია, თუმცა გამუდმებით გვახსენებენ, რომ საქართველომ აგვისტოში "არასწორი რაღაცეები გააკეთა", - განაცხადა კონფერენციაზე გამოსვლის დასრულების შემდეგ ბარნოვმა "პირWელთან" საუბრისას და აქვე დასძინა, რომ "ბიზნესის ენერგეტიკული დამოკიდებულებისა და რიგი პოლიტიკურ-ეკონომიკური საკითხებიდან გამომდინარე, რუსეთის გავლენა ევროკავშირზე კვლავინდებურად დიდია". შეგახსენებთ, რომ 2008 წლის აგვისტოში განვითრებულ მოვლენებთან დაკავშირებით ქართული მხარის მიერ არასწორი ნაბიჯების გადადგმის შესახებ განცხადებები ევროკავშირის მისიის ერთ-ერთმა წარმომადგენელმა თომას ლუკმა გააკეთა.
სააგენტო "პირWელი"
Comments